ന്യൂഡൽഹി: ഡൽഹി കലാപക്കേസിൽ യുഎപിഎ ചുമത്തപ്പെട്ടു ജയിലിൽ കഴിയുന്ന ജെഎൻയു മുൻ വിദ്യാർഥി ഉമർ ഖാലിദിന് ഐക്യദാർഢ്യവുമായി അമേരിക്കയിലെ പാർലമെന്റംഗങ്ങൾ.
ഉമർ ഖാലിദിന് ജാമ്യവും രാജ്യാന്തര നിയമങ്ങൾക്കനുസൃതമായ ന്യായമായ വിചാരണയും നൽകണമെന്നാവശ്യപ്പെട്ട് അമേരിക്കയിലെ ഇന്ത്യൻ അംബാസഡർ വിനയ് മോഹൻ ക്വാത്രയ്ക്കാണ് സെനറ്റർമാരും കോണ്ഗ്രസ് അംഗങ്ങളും ഉൾപ്പെടെയുള്ള ജനപ്രതിനിധികൾ കത്തെഴുതിയത്.
കത്തിന്റെ പകർപ്പ് ഡെമോക്രാറ്റിക് പാർട്ടി അംഗമായ ജിം മക്ഗവേണ് എക്സിൽ പങ്കുവച്ചിട്ടുണ്ട്. അഞ്ചു വർഷമായി വിചാരണയില്ലാതെ തടവിൽ കഴിയുന്ന ഉമർ ഖാലിദിന്റെ മാതാപിതാക്കളെ കഴിഞ്ഞ ഡിസംബർ ആദ്യം സന്ദർശിച്ചുവെന്നും ജിം പറയുന്നു.
ഉമർ ഖാലിദിന് യുഎസ് ജനപ്രതിനിധികൾ പിന്തുണ അറിയിച്ചതിനൊപ്പം ന്യൂയോർക്ക് മേയറായ ഇന്ത്യൻ വംശജൻ സൊഹ്റാൻ മംദാനി ഉമറിനു നൽകിയ കത്തും പുറത്തുവന്നിട്ടുണ്ട്. ഉമറിന്റെ മാതാപിതാക്കൾ ഡിസംബറിൽ അമേരിക്ക സന്ദർശിച്ചപ്പോൾ മംദാനി അവർക്കു കൈമാറിയതാണ് കത്ത്.
Deepika
E-paper LOGIN
LOGIN
